【記者廖金明／專欄報導】
[本文]:世上凡間的ne人,講到阿錢伯這位長老先生啊ngaˇ,目珠隨時就會大蕾 luiˊ起來。領收接到阿錢伯時,嘴也係牙微微veˊ地ieˊ笑出來,心肚裡唔知係一鬆爽了ngeˊ！尤其對他人家手上接到阿錢伯的時節,更至係牙射鬚射又搭dabˋ會頷ngamˋ頭再頷頭的ve來答謝他人家,同時又會講：噢oˋ！實在嶄zamˋ滿承蒙汝,恁anˋ工夫噢voˋ！恁anˋ仔ziiˋ勢se,！由這裡可以知得世上凡間的人,對於阿錢伯的印象,樣ngiongˋ會恁好恁有感情呢？
講倒do轉來,阿錢伯樣會恁有人緣,恁得人惜呢？但係大家愛知diˊ這位阿錢伯長老先生,並唔係蓋隨suiˇ和,盡盡猜猜的ie人,伊愛同世上凡間的人結緣共下,也係愛經過相當的nge考慮。聽老一輩的長者講：愛留得veˋ住hed阿錢伯共下,就愛有四個齊全條件。假使其中少了一個也係兩個條件,伊介氣氛會較go差,離開分手的ve時間也會較遽giagˋ,這四個條件就係：運氣,勇氣,財氣,人氣等四大氣。假使身上完全無這四種氣的人,實在莫戇ngong想伊,閃samˋ較go開些xidˋ把地veˊ較定著cog,現下就分析來分大家參考一下,係he唔係me有影呢？
一.時來運轉鐵成金：
第一係運氣：時來運轉,鐵成金。衰soiˊ運時節金仔meˋ也會變成鐵。有人講：有人橫vang倒跌落地時,續sa撳到金仔,有人橫vang倒跌落地時將手一看,滿手面都係黃堆雞灢 longˊ。由這句話語所講,好運壞運樣會差恁多！像這種情況kongˋ又愛樣ngiongˋ地ngeˊ來解釋呢？啊aˋ！這實在係壞講。但係又有人講：好運來時,作(駁bogˋ)堤防來擋,都係擋唔住hed！都會分伊衝斷(駁bogˋ)走入來…。
話講；在民國四十零年時節,美濃地方有一個專門掃把的人家,七早八早朝晨頭,就喚vanˋ伊的細se人仔去市場肚裡買[醬菜]。這個細人仔也係耳背poi背到doˋ,將買[醬菜]續sa聽成買[獎券],去到市場,又恁堵doˋ好有人來賣獎券,這個細人仔就將手中的五個nge銀來買獎券。當獎券買歸去以後,死咧 leˊ！結果分伊介阿姆用<掃把絲xiˊ>,打到[腳闌nangˇ肚]全全浪,實在才過！伊介阿姆緊緊拿等獎券去市場退還,結果賣獎券介人已經走了veˇ,抄上抄下也尋唔到賣獎券的人,歸到屋家氣也唔曾qienˇ落,又將掃把拿來再修理這個細人仔,同時嘴上又大聲細聲緊罵：發脹猴！耳公生到奈裡去了ieˇ啊 iaˇ？好買唔買,同𠊎買獎券歸來！一張獎券五個銀,涯愛紮zadˋ一多枝掃把汝知嗎？番fanˊ了論朝晨,氣正消了veˇ論半,到了下晝四.五點以後,電台放送廣播愛國獎券號碼後,該ge位賣獎券的人,就衝來市場探聽又宣傳講：今晡buˊ朝zeuˊ晨,伊在市場肚裡賣出一張獎券,著到廿萬銀的ne頭獎！一問一查之下,著cog獎的人家就係賣掃把的人。汝看！這個故事又係有一奇妙的怪事！人家賣田賣屋來買獎券,每期都係著到[一擘bagˋ](撕掉的意思),獨獨這位細人仔在不小心的me中間買獎券,就來分伊著到廿萬銀的頭獎,汝講運氣係he嗎？
現下蓋多人不時在該ge道嘆,成功失敗係；時啊 aˇ！運啊naˇ！命啊ngaˇ！來做定論,實在也係蓋有道理。像命靚jiangˊ的人,阿姆meˊ肚中供啊nga下來,就係富貴命,唔使勞碌 lugˋ,又唔使分日頭曬,每日坐啊va在屋家涼涼地ngeˊ,家財祖產多得是,甚至有的ve係皇帝命,出世se落地下來,馬上就分人封為萬歲soi皇帝,愛麼介就有麼介！相反地來講；歪命的人,母娘供啊nga下來,就係討食命,每日隨同爺娘來討食,所得到的錢財也係相似蟻公含hemˇ泥一樣 iong樣,樣ngiongˋ會恁才過！日日做來日日苦,甚至有人麼介來賣鹽,鹽也maˊ會賣到發bodˋ蟲啊nga。啊 aˋ！命運之影響人生樣會有恁大！
俗話又講：命在前,運在後。意思係講：命係前世因,今日果。運為今世因,今世果。詳細講起來,運限係今世所做的因果。俗話又有人講：命為前世所註定不能改,運為今世之因果,只要積德行善,運就可改好。同時又有一句話；有好運時,做得補壞命之缺失xidˋ。由恁地neˊ來看,運也係相當的重要,所以愛樣ngiongˋ地neˊ才可以得到好運呢？有人講：好運係無攬 lamˋ糝samˋ送分人的,只要凡事愛有道德,為人做事有道有德,若係分天公看到時,終究會來賞賜su好運。尤其俗話所講：頭上三尺有神明。假使認為自家有能力,做人做事橫橫行,若naˊ係恁地neˊ,今世若係無壞運,下生senˊ人也係會有衰運,汝講係嗎？
再講壞運來臨時,也係有些把地veˊ蹤zungˊ跡做得vedˋ得dedˋ看得neˋ出來：
第一係：印堂額ngiagˋ頭變啊 na暗暗烏烏vuˊ唔金頭,相似天空烏雪遮zaˊ等大地一樣,若係有這個現象時,前途烏暗,見擺投機見擺了 liauˋ。
第二係：印堂額頭金光照人時,最驚係犯到[桃花運],假使凡間人犯到桃花運時,頭下心花怒 nu放,恅 lauˋ到係人生紅運高照,實際上係衰小運氣的來臨,最後花落水流,兩手成空kungˊ。聽講阿錢伯一生之中,伊最恨這種人,假使分伊探聽到某人,行到桃花運時,一定飛落 lod離開閃走,所以試看有犯過桃花運的人,有一多個人在三年之內係好運,有分阿錢伯照顧過的呢？算起來相信蓋少,隻隻也係分阿錢伯剷到爽平極 kid光！
二.男人冇moˇ才便是膽damˋ：
第二係勇氣：凡間世人供giung啊nga下來都係有一粒膽,但是受了veˇ環境的影響,人人所持有的膽量就無相同,有的人供啊 nga下來就係老 lo鼠膽,凡事做起來都係驚驚縮縮sugˋ,甚至唔敢去做。但是又有一種人,實在係食了 leˇ生人膽,相似有人講：目瞽guˋ唔知驚大銃cung一樣,麼介高毛末髓soiˋ，伊也係無所不忌gi當敢做,假使分佢配合到頭前所講好運來時,該ge就會分伊搞到像麼介禾voˇ鷝bidˋ仔leˋ變鳳凰，草擺蛇變嗙pangˊ頦goiˊ蛇,山中無老虎,猴哥升大王一樣。講老實話一句：男人無才便是愛有膽,實在蓋有影。可比前年仔neˋ,股票大起價的時節,蓋多經濟學家,理論一大堆,消息滿間屋,但是缺少了veˇ膽量,看到股票日日創新價,驚到緊拍冷汗,目珠金金擘bagˋ到大麻蕾緊看,總是唔敢掛單來買。相反的ne,蓋多不但唔知股票常識,又唔識字的e婦人家,隨便手一指,拜託人家寫奈nai支股,一買就係漲停板大起價,金票滾滾來。汝看！讀恁多書,知得恁多理論,又有麼介用呢？老實講：缺少勇氣,無膽量,凡事做起來縮手縮腳,考慮忒tedˋ多,蛇過才來揹bi棍,效果就差咧 leˊ！ 再講；世上蓋多學識不多,相似食了熊 iungˇ心豹仔veˋ膽樣,膽量十足,真係死膽,伊等蓋知得麼介喊ham到愛拼才會贏,莫等待,莫依賴,機會唔會對天頂高趺下來等等道理,拿起勇氣向前衝,結果分伊賺到富耶啊va富耶地veˊ,汝講多嗎？確實蓋多！機會唔會對天頂高趺下來,實在愛有勇氣。唔過,這裡所講勇氣,並唔係見烏就銑saˋ(不分青紅皂co白pag)的意思。像現下蓋多後生sangˊ仔,唔知安非他命毒性的厲害,雄雄唔知死,就來食伊,結局死路一條,恁地neˊ係樣得生死的勇氣啊 iaˇ！阿錢伯的勇氣係以道德良心為基礎的。 再講；一個勇氣的例子分大家參考,以前有一個人,駛轎kieu車經過旗山,堵duˋ好有一大群的交通警察大人在該ge捉車牌,這位勇者身上無帶駕駛同行車執照,就分警察搖iagˋ旗仔ieˋ擋下來。但是,伊心神在在,想出計調,裝出大膽起來,駛到蓋緊,假作非常地譴,大聲向警察一喝hodˋ罵：汝等警察淨淨知得捉車牌,後背發生大車禍都唔知,唔趕緊去救人處理車禍,還在這裡企啊 ia恁正zang來捉牌,到底奈項較重要啊 vaˇ？這群子鳥仔的警察大人一聽到這位善心人士一講,亂緊緊到請問詳細地點以後,一再表示：失禮！失禮又搭多謝！警察車一駛,分伊斂lien猴食雞屎去了ieˊ！這位勇者也係緊緊落 lod尾瀉走離開,閃開了一張紅色的罰單。(本事實只係奸滑之勇,請莫仿fongˋ效,笑一笑可矣！)
三.有錢菜店嫲maˇ最愛：
第三係：愛有財氣,也就係資本。俗話所講：人兩隻腳,錢有四隻腳,準到淨靠人力來賺錢,唔當用錢來賺錢較go好較遽。蓋多人明明捉到機會,判斷正確,轉手就做係有大筆錢財滾過來。但是手中財氣不足,造成勇氣唔罅 la,也會坐失良機。所以本錢唔罅 la,只好搞較眼前的細頭路仔,做針尾削鐵樣的細生理。再看古時聖人蓋多頭腦當飽,才華相當好,為了liauˋ錢糧所困的ne,也係相當的nge多,所以現下蓋多人緊道嘆講：啊aˋ！無本又無錢,實在做無頭路！
俗話又有講起：人是英雄,錢是膽。這一句話也係相當有道理,樣地ngeˊ講呢？這可比人家駛的係進口轎 kieu車,𠊎介係國產的中古車,準到兩張車仔放biong做共下,雖然嘴上講唔同人比,心肚裡暗中自然也會來比一下,該時自家就會壞勢起來。再講有錢投資時,兩下手板就有幾下千萬,甚至幾下億銀,恁地neˊ用高科技又自動化的機器來做,產品當然會有一好地,這還愛使講！所以有人講：財氣足,派頭就會粗！也係相當有影。朋友！假使有想愛充實汝介氣勢,不妨先來賺較多兜deuˊ地veˊ錢財較定著cog！ 再講以前還細時節,識聽較老一輩的人講過幾下句話：麼介鬼最得人驚？麼介凳den仔最壞坐呢？答案係：無錢的鬼最得人驚,借錢的冷凳板最壞坐！啊aˋ！實在有影。再講：麼介又有人講；菜店嫲介褲帶仔,見到錢就會自動斷忒 tedˋ,褲都會溜下來啊va！還細時節聽到這兜話絮,感覺到相當地奇妙,大膽地去問阿公,阿公就講：細人仔有耳無嘴,恁細 seˋ地ieˊ問這個做麼介啊iaˇ？時到今晡日一想, 嘿heˋ！確確實實,賺食介菜店嫲的褲帶仔,內褲的鬼抽筋(糾帶),最驚見到錢,一見就斷,連抽鏈都會溜下來。(但,本人有聽過,卻未看過,可惜！可惜！可惜！)。
四.專心覺悟道理才氣足：
第四係：愛有才氣,才氣就係指才情,才調。以前蓋多人,命歪又壞運,十月懷胎供下來,落地就係乞kiedˋ食命,但是伊蓋有骨氣,雖然三餐食的係攪giauˊ鹽食蕃薯,咬薑啜codˋ醋來過日。但是,伊也曉得認真來做人,煞猛來做事,最後配合到doˋ頭前所講的三項；運氣.勇氣.財氣,一湧啊nga來時,也係萬年富貴的也真係多。但是,才氣並唔係指蓋有學歷,麼介大學,博士碩 sag士,係指才情才調。像目前蓋多毛籣 lanˇ,簸bai箕恁大隻的字,都係識唔到幾隻,但係經過伊介目珠一睞 laiˋ,事理全通,內行到會死。像王永慶先生,也係小學畢業地beˊ,頭路大到全世界的人都係知得,該就係才氣十足的表現！ 講到才氣係樣地ngeˊ來的呢？𠊎識聽過一位老阿伯仔講：先天的才氣係指智慧。後天的才氣係指知識。智慧這個東西並唔係靠讀書就可增加的,愛多行善積德,自然靈感就會像泉水一樣浡bud出來。至於知識方面,愛煞猛mangˊ看書,聽人講,再來多多veˊ覺gogˋ悟ngu出道理,也可所轉變成才氣。實在有道理,行善積德又勤聽勤讀,專心覺悟道理才氣自然就會足啊gaˇ！
◆四氣配合正會賺錢&存錢：
本文寫到這裡,從頭到尾都係談論賺錢之道,老實講,現下蓋多人有錢,只係一時有錢,蓋多人煞sadˋ猛mangˊ做到會死,結果都係苦到會死,到底樣會恁地neˊ！總歸一句話：就係無同時兼顧到：1運氣,2勇氣,3財氣,4才氣等這四種氣的平均配置好勢的e結果。這就真像蒔sii田耕種一樣,肥料的三要素(氮磷鉀)所下ha毋勻iunˇ的ne結局啊gaˇ！朋友大家！以上所談係he唔係me有道理,不防討論一下！唔過,𠊎想到一句話送分各位鄉親參考：莫等待！莫依賴！機會蓋少對天頂高跌下來,愛拼正會贏！◆[本文一字一語(對照錄音)](35：11分)→https://drive.google.com/file/d/1nsOtElhBcv4DebQ_aWvr_lEEjzgJbzlO/view?usp=sharing ====
◆本文客家四縣語註解：1. 鬆sungˊ爽songˋ：肉體好為輕鬆,心肚裡好為爽,兩句合起來身心快樂好為鬆爽。2.頭頷ngamˋ尾頷ngamˋ：喻奉承到非常工夫。𠊎ngaiˇ字人部。更gen至zii：更加。3.恁anˋ仔ziiˋ細：客氣。恁anˋ加重語氣[很]的意思。4.得人惜：得人愛惜。牙微微veˊ地ieˊ：笑微 mi微地 ieˊ。5.共kiung下：共同在一起。較go遽giagˋ：比較快。6.較go差：比較差,不好。[些xidˋ把地veˊ](較少)&[有兜deuˊ地veˊ]：一些。7.贛ngong想：呆ngoiˇ呆地想。異想。戇,呆,憨,雄,痴的不同。8.較go定著cog：比較對,正確。定定 tin地neˊ：慢man慢地neˊ&遽giagˋ遽地geˊ。9.衰 soiˊ運：運氣唔好為衰,身體唔好為弱。衰→旺vong,弱ngiok→強kiongˇ。10.撳kim：用手壓。假使siitˋ→使siiˋ用。<續 sa>聽成：卻聽成。11.黃堆雞屎：黃色水狀的雞屎。是臭中臭的雞屎也。灢 longˊ。12.壞講：很難講。其kiˊ中：其iaˊ肚裡(內含)。其iaˊ：他的(厥giaˊ北部音)。13.朝zeuˊ晨：即早晨。後生sangˊ仔&下ha生senˊ人：下輩子&下輩仔不同。14.耳背poi背：指人家講麼介都唔認真來聽。耳赤赤qiagˋ,耳卻卻hiogˋ。15.堵duˋ好：剛剛好又看到。運限han：運氣,限han→限量,。限勢……..又搭。16.伍個nge銀ngiunˇ：伍塊錢,伍元。麼介又講：同時又提到。17.腳闌 langˇ肚：即小腳腿後面之肌肉部分。闌 langˇ,齾ngadˋ,捺nagˋ形狀用字。18.全是浪long：滿腿是打的傷痕。浪即是傷而腫起來但未流血。19.抄cauˊ上抄下：追來追去。抄cauˊ,cau,趜giugˋ,(走＋矍)giugˋ>。20.好買唔買：該買而不買。好….唔..＝該…..而不..(句型)。21.番fanˊ了論朝晨：罵了一早上。番：罵來罵去,番番。22. 一擘bagˋ：音如(一百),即撕掉的意思。剝bogˋ&擘bagˋ剝皮擘開。23.不時：經常。大麻蕾,大麻雨,大麻.…..,大麻空kangˊ→大膣ziiˊ麻空(加土語氣)。24.命靚jiangˊ：命好。係he嗎？：是嗎？&係he唔係me＝係he係meˇ的不同。25.出世se：即出生。唔金頭：不亮。金gimˊ皙皙xiagˋ＝金那那 na,那na金。。26.攬 lamˋ糝samˋ：隨便的意思。飯糝samˋ：飯粒。27.終究qiu：最後就怎樣。恅 lauˋ到：以為。28.見投資見了 liauˋ：每一投資就賠本。見擺：每一次。29.頭下：指頭一次,第一次。在該ge：在那裡。30.衰 soiˊ小：喻衰運不少。搖iagˋ旗仔iaˋ：上下為搖iagˋ,左右為搖 ieuˇ。31.飛 fiˊ落 lod：落 lod尾地走,飛快離開。32.一多個人：有幾個人。愛使siiˋ講：不用講。33.爽 songˋ平極 kid光：絲亳不留。34.驚giangˊ驚縮sugˋ縮：害怕不敢動作。35. 食了 leˇ生人膽：喻特別訓練,服用了麼介膽量的藥仔。36.目瞽kuˋ唔知驚大銃：目瞽kuˋ即瞎眼。大銃：大砲。37.死膽 damˋ：喻不怕死。38.見烏就銑seˋ：看到黑影就殺。銑seˋ：橫向用刀。劈piagˋ：正向用刀。39.雄雄hiungˇ唔知死：雄雄→指勇敢不怕壞的方面。；唔知死：不知生死。40.草擺baiˊ蛇：草間無毒小蛇。草擺baiˊ蛇領雙紅,紅→毒。41.嗙pangˊ胲goiˊ蛇：極毒的眼鏡蛇。胲同頦goiˊ。嗙pangˊ雞頦goiˊ：吹牛。42.結giatˋ局：結果,最後。結giadˋ→giedˋ(北部音)。43.心神在在：老神在在。44.計gie調 diau：計謀才調。計gie→gi(內埔地方音)。45 譴 kienˋ：生氣。俗話：一般人登常講的話。俗語：有押韻調。>46. 一喝hodˋ：大聲地罵叫喝hodˋ。渴hod：急求希望。47.後背boi：即背後,後面。48.奈naiˋ項：那一項。49.企kiˊ等：站著叫企。50.斂 lian猴食雞屎：喻欺騙。斂 lian：己所不欲而加諸於人。51.準到：當做,假使。52.唔mˇ當：不如。唔mˇ：毋。53.針尾削鐵：針尾本為鐵質不多,削來也是一點點。54.無本：本錢沒有。毋勻iunˇ：不平均。均giunˊ勻iunˇ。55.幾下 iaˊ千萬：好幾千萬。幾下 iaˊ&今下ga複合音字。56.樣ngiongˋ地neˊ：怎麼樣地。恁anˋ地neˊ：這樣地。57.麼magˋ介gie：什麼。58.菜店嫲maˇ：即酒家女。菜店牯guˋ(男)。59.鬼抽筋ginˊ：即糾ziiu帶,鬆緊帶。60.咬薑啜 codˋ醋：形容生活困苦。61.煞sadˋ猛mangˊ：很努力。 頭前：即前面。62.有耳無moˇ嘴：指只聽不可問或不可講。63.真係he多：同係真多。64.毛籣 lanˇ：大約丈二直徑長的平底箕仔,是收割稻子時所用。通常拿來敲kau麻仔。65.簸bai箕giˊ：約二尺半直徑的平底箕仔,拿來曬東西用。翻panˊ谷,打豆仔,敲kau。66.目珠一睞 laiˋ：眼睛稍微一看,斜眼看人。細妹仔蓋會偷睞細徠 lai仔。67.蒔sii田：插秧叫蒔田。做得vedˋ得dedˋ看得neˋ出，得的轉音用法。68.盡盡猜猜caiˊ：喻隨便,不計較。69.高毛末髓soiˋ：指小到很小的東西,樣樣都有。70.富耶啊va富耶地veˊ：非常豐pongˊ富pai(古音)。本句型詳如第十次試題文法說明。71.本文用到轉音字<啊,地,了,得,也,的,仔,>特別多,詳如第十次試題文法說明。
===
[e]韻母係用實體字(個,的,介,地,了,得,仔]才有[文義],[a]韻母用虛字(啊,也,抑)&[o]韻母用虛字(噢)→[語意]
===聯音字語,聲母[V,L,I,M,N,NG,G,B]&韻母[a,e,o]組合成各有九音,係客家白話美妙的語言===
1聯音字語：聲母[V,L,I,M,N,NG,G,B]&聯音韻母[a,e,o]組合成各有九音。
2聯音字語聲母[V,L,I,M,N,NG,G,B]同係聯音字語前 ‘—隻韻母尾音轉变過來,但(L,M,N,NG,G,B)韻母&聲母∵發音不同,華語音無音,如英文(on&no)n介發音不同。
3但聯音字語前 ‘—隻韻母尾音係(u,a,au,o]聯音字語聲母[V]。聯音字語前 ‘—隻韻母尾音係(ai,i,e],聯音字語聲母[i],客家白話美妙的語言。
===
